ಕೊರೆದ ಕಲ್ಲಿನ ಮೇಲೆ ಹೇಗೋ
ಚಿಗುರಿದ ಮರದ ಮನದಲ್ಲಿ,
ಇಟ್ಟಿಗೆ,ಮರಳ ಕಂಡು ಮುಗುಳು ನಗು...!
ಅರೆರಾತ್ರಿ ಕತ್ತಲಲಿ ಮಿನುಗೋ
ಬಣ್ಣದ ದೀಪಗಳ ಝಳಕ್ಕೆ,
ತಂಬೆಳಕ ಎದೆಯೊಳು ಕಿರು ನಗು...!
ಇವಳು ಚಿಮ್ಮಿಸಿದ ಹಸಿರು ಸೀರೆ
ನೆರಿಗೆಯ ಅಂಚು ಚಿಗುರ ತಾಕಿ
ನೆಲದ ಒಡಲಲ್ಲಿ ನಿಲ್ಲದ ನಗು...!
ಮನೆಯೊಳಗಿಟ್ಟ ತತ್ವ-ಸಿದ್ಧಾಂತಗಳ
ಕಂತೆ ಕಂತೆಯ ಮೇಲೆ ಬಿದ್ದ
ಬೆಳಕೊಳು ಮುಗಿಯದ ನಗು...!
ನಿಲುಕದ ಒಗಟ ಬಿಡಿಸಲು ಹೊರಟ
ಅವನ ಕಂಡು ಸೃಷ್ಟಿಗೆ...???
ಸೋಮವಾರ, ಮಾರ್ಚ್ 22, 2010
ಇದಕ್ಕೆ ಸಬ್‌ಸ್ಕ್ರೈಬ್‌ ಆಗಿ:
ಕಾಮೆಂಟ್‌ಗಳನ್ನು ಪೋಸ್ಟ್ ಮಾಡಿ (Atom)
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ